(Presented by 金垒餐厅)

11月绝对係令一众打工仔忧郁嘅月份，事关闲日都有假放嘅10月已经过去喇！揭下个日曆，最快都要到圣诞先再有呢支歌仔唱！(喊)渐浓嘅冬意加上吹过一阵幽幽的色士风，吖唔係，係凉风先啱，唏嘘之情油然而生！如果你问Dining娜做咩无啦啦咁有feel？我会答你因为去完位于元朗八乡嘅金垒餐厅之后触景生情！点解？睇落去你就知！

金垒餐厅个名，我Dining娜细细个就听过！金垒有30几年历史，仲记得喺我的少女时代，我阿爸阿妈已经会带我去食嘢！嗰时家住九龙，一家人搭车入黎元朗已经好似去旅行咁兴奋！搭西铁到锦上路又或者喺观塘坐巴士，再转绿Van入嚟1个钟车程同屋企人有讲有笑嘻嘻哈哈咁，其实好快唔经唔觉就去到！

听讲金垒最近出咗新菜，连近期好红嘅卢觅雪都有去试，令我都好有冲动去试下，顺便怀缅过去！细个阿爸阿妈带我去，大个到我带番佢哋，而家有车嘅我特别欣赏佢哋门口都有泊车位俾客人泊车，就算冇位都可以问餐厅拎车飞，泊喺附近嘅上村停车场，够晒方便！

我Dining娜锺意试新菜就係人都知，但其实我对老字号都情有独锺，不过又好怕桃花依旧，味道全非！你知啦，有啲餐厅会因为大厨走咗又或者继承人学艺未精而令菜式变质。但滚动嘅係金垒嘅招牌猪手同以前一样咁好味！佢有烚、焗同炸3款味道！我肯肯定细个时烚猪手只此一家，而家当然喺其他地方都试过，但就只有金垒嘅烚猪手先做到肉质嫩滑得嚟有「口赵」头。

今日两老都好开心，讲番多往事，最深刻都係我啲为食史！不过呢，食嘢呢家嘢，好食梗係基本啦，但食个景食份情同回忆又係另一个层次！记得金垒餐厅附近有好多好去处，好似大帽山同嘉道理农场咁，难得入到去，我地间中都会去埋行山或者去农场玩。啊！究竟嗰时我哋係为咗去金垒食嘢先去农场去行山，定係为咗玩先去金垒食嘢呢？望住食得开怀嘅两老，或者细个我笨唔纯粹係为咗食又或者玩而入嚟，佢哋都一样啫！

金垒餐厅

地址：元朗八乡上村DD114号

电话：2488 1642